Իրանում տղամարդուն մահապատժի են ենթարկել ալկոհոլ օգտագործելու համար. Iran Human Rights

14:51 • 10.07.20

Օսլոյում գործունեություն ծավալող Iran Human Rights իրավապաշտպան խումբը տեղեկացնում է, որ հուլիսի 8-ին Իրանի հյուսիս-արևելքում մի տղամարդ է մահապատժի ենթարկվել ալկոհոլ օգտագործելու համար: Այս մասին տեղեկացնում է alarabiya.net կայքը:

Տղամարդը, ըստ տեղեկությունների, 55 տարեկան էր, ամուսնացած էր, ուներ երկու երեխա: Նրան մահապատժի են ենթարկել Մաշհադ քաղաքում, նրանից հետո, երբ 6-րդ անգամ են բռնեցել ալկոհոլ օգտագործելիս:

«Այս մահապատժով Իսլամական Հանրապետության դատական համակարգը ևս մեկ անգամ ապացուցեց, որ իր հայացքները ոչնչով չի տարբերվում «Իսլամական պետության» հայացքներից»,-ասել է իրավապաշտպան խմբի ղեկավար Մահմուդ Ամիրի Մողադամը:

Իրանի դատական մարմիններն ու ԶԼՄ-ները դեռևս չեն մեկնաբանել դեպքը: