Ադրբեջանի «Յաշմա» հատուկ նշանակության բրիգադը 2016-ի ապրիլին անմարտունակ էր դարձել, այժմ բրիգադը կրկին մեծ կորուստներ է կրել՝ կրկին դառնալով անմարտունակ․ Տիգրան Աբրահամյան

13:19 • 16.07.20

Tert.am-ը ներկայացնում է «Հենակետ» վերլուծական կետրոն ՀԿ ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը ֆեյսբուքյան իր էջում գրառում է արել՝ անդրադառնալով Տավուշի ուղղությամբ ադրբեջանական «Յաշմա» բրիգադի՝ երեկվա գործողություններին ու կրած մեծաքանակ կորուստներին։

«Ադրբեջանի Յաշմայի (052) հատուկ նշանակության բրիգադը 2016 թվականի ապրիլյան մարտական գործողությունների ժամանակ ստացած մեծաքանակ կորուստների արդյունքում անմարտունակ էր դարձել։

Վերջին տարիներին ոչ մի լուրջ մարտական գործողության չէր մասնակցել՝ վերականգնման/համալրման/ուսուցման փուլում էր։

Պատմությունը կրկնվեց, ապրիլյանից 4 տարի անց, Յաշմայի բրիգադը կրկին մեծաթիվ կորուստներ կրելով վերածվում է անմարտունակ ստորաբաժանման»,-գրել է Տիգրան Աբրահամյանը։

Հիշեցնենք, որ ավելի վաղ ադրբեջանական էջերում տեղեկություն էր հայտնվել, որ ծավալված մարտական գործողություններին միացել է նաև «Յաշմա» հատուկ ստորաբաժանումը։