Մզկիթի վերածված Սուրբ Սոֆիայի տաճարում դրես-կոդ է սահմանվել

17:10 • 08.09.20

Ստամբուլի Սուրբ Սոֆիայի տաճարում, որն այս ամառ մզկիթի է վերածվել, պահանջում են հատուկ դրես-կոդ պահպանել: Այս մասին տեղեկացնում է euromag.ru կայքը:

Չնայած որ յուրաքանչյուրը կարող է տաճար այցելել այն օրերին, երբ նամազ չի իրականացվում, զբոսաշրջիկները պետք է համապատասխան հագնվեն: Միանգամյա օգտագործման թաշկինակներ և խալաթներ, որոնց արժեքը 25 լիրա է, կարելի է գնել մուտքի մոտ: Անվտանգության աշխատակիցները վերահսկում են դրես-կոդի պահպանումը:

Հիշեցնենք, որ Թուրքիայի պետական խորհուրդը (բարձրագույն վարչական դատարան) չեղյալ է հայտարարել Ստամբուլի Սուրբ Սոֆիայի տաճարը թանգարան դարձնելու մասին 1934 թվականի որոշումը: Թուրքիայի նախագահ Ռեջեփ Թայիփ Էրդողանը դրանից հետո հրամանագիր է ստորագրել տաճարը մզկիթի վերածելու մասին։

Սուրբ Սոֆիայի տաճարը բյուզանդական ճարտարապետության հուշակոթող է: Այն կառուցվել է 532-537թթ․՝ Հուստինիանոս կայսեր կողմից, որը որոշել էր այս տաճարով հավերժացնել Կոստանդնուպոլսի փառքը:

1453թ․ Բյուզանդական կայսրության անկումից հետո տաճարը վերածվել է մզկիթի: 1935թ․ Թուրքիայի կառավարության որոշմամբ, որը ստորագրվել է ժամանակակից թուրքական պետության հիմնադիր Քեմալ Աթաթուրքի կողմից, տաճարը դարձել է թանգարան, կառույցի պատերը մաքրվել են որմնանկարներից և խճանկարներից: 1985թ․ տաճարն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում: