«Պենտագոնը հարստանալու նպատակով մշտապես ցանկանում է պատերազմել»․ Թրամփ

10:10 • 08.09.20

ԱՄՆ նախագահ Դոնալդ Թրամփը կարծում է, որ Պենտագոնը միայն պատերազմ է ցանկանում, որպեսզի զենքի, զինամթերքի և ռազմական տեխնիկայի արտադրությամբ զբաղվող ձեռնարկությունները հարստանան: Այս մասին նա հայտարարել է Սպիտակ տանը կայացած ճեպազրույցի ժամանակ, գրում է CNN-ը։

«Զինվորներն ինձ սիրում են։ Պենտագոնի ղեկավարները, հավանաբար, ոչ, քանի որ նրանք միայն պատերազմել են ցանկանում, որպեսզի բոլոր ռումբեր, ինքնաթիռներ և այլ տեխնիկա արտադրող հրաշալի ընկերությունները երջանիկ լինեն»,- նշել է Սպիտակ տան ղեկավարը։

Նրա խոսքով՝ նախագահի թեկնածու Ջո Բայդենը, լինելով Բարաք Օբամայի փոխնախագահն ու գաղափարակիցը, երիտասարդներին ուղարկելու է պատերազմի։

«Բայց մենք դուրս ենք գալիս անվերջ պատերազմներից»,- հայտարարել է Թրամփը:

Ինչպես հայտնի է, գործող նախագահը պարբերաբար հանդես է գալիս «անվերջ պատերազմների» դադարեցման և ամերիկացի զինվորականներին ԱՄՆ վերադարձնելու կոչերով։ Թրամփը կարծում է, որ դա է պատճառը, որ «Պենտագոնի ղեկավարությունը, հավանաբար, իրեն չի սիրում»։