Երևանի Բաշինջաղյան փողոցի թիվ 194 շենքի բնակարաններից մեկում հայտնաբերվել է 70-ամյա տղամարդու դի

19:50 • 08.09.20

Սեպտեմբերի 8-ին, ժամը 15:33-ին Ճգնաժամային կառավարման ազգային կենտրոն ահազանգ է ստացվել, որ Երևանի Բաշինջաղյան փողոցի թիվ 194 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարարները բացել են բնակարանի դուռը և ննջասենյակում հայտնաբերել Սարգիս Հ․-ի (ծնված 1950 թ․) դին։