ՕՄՕՆ-ը սկսել է կոշտ ձերբակալություններ իրականացնել Մինսկում
Մինսկում ՕՄՕՆ-ի հատուկջոկատայինները սկսել են կոշտ ձերբակալություններ իրականացնել Մաշերովի պողոտայում հավաքված ցուցարարների շրջանում:
Ինչպես հաղորդում է ТАСС գործակալությունը, մի քանի հարյուր հոգուց բաղկացած ցուցարարների շարասյունը երթով շարժվում էր դեպի Անկախության հրապարակ:
Նշվում է, որ ՕՄՕՆ-ականները խմբերի են բաժանել ցուցարարներին և սկսել են ձերբակալել ակցիայի մասնակիցներին: Մյուս ցուցարարներն էլ փորձում են իրավապահների ձեռքից ազատել ձերբակալվածներին:
Ավելի վաղ հաղորդվում էր, որ բելառուսական մայրաքաղաքում ձերբակալել են Մարիա Կոլեսնիկովային աջակցելու համար հավաքված ցուցարարներին:










