Մինսկում ցուցարարները մոտեցել են Լուկաշենկոյի նստավայրին

19:49 • 13.09.20

Մինսկում չարտոնված բողոքի ակցիայի մասնակիցները մոտեցել են Բելառուսի նախագահ Ալեքսանդր Լուկաշենկոյի նստավայրին: Այս մասին տեղեկացնում է «ՌԻԱ Նովոստի» գործակալությունը:

Բազմությունը բացականչում է հակակառավարական կարգախոսներ, Լուկաշենկայի հրաժարականն է պահանջում: Դեռևս պարզ չէ, թե արդյոք ցուցարարները մտադիր են կանգ առնել նրա նստավայրի մոտ:

Օրլովսկայա փողոցի և Հաղթողների պողոտայի խաչմերուկում իրավապահ մարմինների աշխատակիցներ, ոստիկանական մեքենաներ կամ ցանկապատեր չկան:

Իրավապահ մարմինների աշխատակիցները նույնպես ակտիվ գործողություններ չեն ձեռնարկում տարածքում:

Բողոքի ցույցերը Բելառուսում չեն դադարում օգոստոսի 9-ին կայացած նախագահական ընտրություններից ի վեր. ընդդիմադիրներն ու նրանց կողմնակիցներն ամեն օր փողոց են դուրս գալիս՝ բողոքելով ընտրությունների արդյունքներից, որոնց համաձայն՝ հաղթող է ճանաչվել երկրի գործող նախագահ Ալեքսանդր Լուկաշենկոն: