Եղանակն՝ այսօր
Ցավոք, մեզ այսօր չհաջողվեց լուծել ռազմագերիների հարցը, պայմանավորվել ենք, որ կշարունակենք այդ ուղղությամբ տարվող աշխատանքները․ Փաշինյան (տեսանյութ)
Ռազմագերիների փոխանակման շուրջ տարվող աշխատանքները կշարունակվեն, այս հարցը դեռ չի կարգավորվել: РИА Новости-ի փոխանցմամբ՝ հայտարարել է Նիկոլ Փաշինյանը:
«Ցավոք սրտի, մեզ այսօր չհաջողվեց լուծել ռազմագերիների հարցը, սա ամենազգայուն և ցավոտ հարցն է… Մենք պայմանավորվել ենք, որ կշարունակենք այդ ուղղությամբ տարվող աշխատանքները: Մենք կարծում ենք, որ մեր համատեղ հայտարարության ութերորդ կետը, ցավոք սրտի ամբողջությամբ իրականացված չէ: Հուսով եմ, որ մեզ կհաջողվի կարճ ժամանակամիջոցում որոշակի լուծում գտնել»,- ասել է Փաշինյանը՝ ՌԴ և Ադրբեջանի նախագահների հետ հանդիպման ավարտին:
Հիշեցնենք, որ Ռուսաստանի Դաշնության մայրաքաղաք Մոսկվայում կայացած՝ ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի և ՌԴ նախագահ Վլադիմիր Պուտինի հանդիպումից հետո երեք երկրների ղեկավարները ստորագրել են համատեղ հայտարարություն՝ Լեռնային Ղարաբաղի զարգացման վերաբերյալ, այս մասին հայտնում է «ՌԻԱ Նովոստի»-ն:
ՌԴ նախագահ Վլադիմիր Պուտինը հայտնել է, որ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ բանակցությունները եղել են բացառիկ կարևոր և արդյունավետ:
Studio One