Փաշինյանի հրաժարականը պահանջող քաղաքացիները ակցիա արեցին Հանրապետության հրապարակում․ նրանք փորձեցին մուտք գործել Կառավարության շենք, կան բերման ենթարկվածներ (տեսանյութ)

15:18 • 28.01.21

17:39

Բերման ենթարկվեց «Հայոց ազգային գվարդիա» ՀԿ ղեկավար, ազատամարտիկ Արշակ Զաքարյանը:

Ոստիկանները նշում են, որ քաղաքացիներն իրենց օրինական պահանջին չեն ենթարկվում, այդ պատճառով բերման են ենթարկվում: Նշենք, որ ոստիկանները քաղաքացիներին բերման ենթարկում քաշքշելով եւ բռնի ուժ կիրառելով:

Հանրապետության հրապարակ են բերվում նոր ոստիկանական ուժեր:

 


17:30

Փաշինյանի հրաժարականը պահանջող քաղաքացիների և Կառավարության շենքը հսկող ոստիկանական խմբերի մասնակցությամբ միջադեպ գրանցվեց: Քաղաքացիները փորձում էին մոտենալ Կառավարության շենքին, սակայն ոստիկանական ուժերը դա թույլ չտվեցին, սկսվեց քաշքշուկ:

15:00

Քաղաքացիները Հանրապետության հրապարակում են՝ «վերջ դնելու ազգակործան, ազգադավ, hայրենի հողերը թշնամուն հանձնած իշխանության գործունեությանը»:

«Մեր ներկայությամբ մենք կհաստատենք, որ ի հեճուկս դավաճան իշխանավորների, մեր բանակը չի պարտվել, չի մահացել, կանգուն է և պատրաստ պաշտպանելու երկիրն ու ժողովրդին արտաքին և ներքին թշնամիներից: Սպասում ենք բոլոր գիտակից, արժանապատիվ քաղաքացիներին հայահավաքին` իրենց պատիվը վերականգնելու գործին մասնակից լինելու»,- նշում են նրանք։