«Ռուսաստանը կատարելագործում է ԵԱՏՄ-ից եկող ներգաղթյալների նույնականացման կանոնները». Միշուստին

15:13 • 28.01.21

Ռուսաստանը կատարելագործում է ԵԱՏՄ-ից եկած ներգաղթյալների նույնականացման կանոնները: Այս մասին ՌԴ կառավարության նիստի ժամանակ ասել է երկրի վարչապետ Միխայիլ Միշուստինը, գրում է «ՌԻԱ Նովոստի»  գործակալությունը:

«Կբարելավվի միգրանտների նույնականացման համակարգը,  մուտքի համար այցագիր չի պահանջվում: Յուրաքանչյուր ոք, որը նախատեսում է 3 ամսից ավելի մնալ Ռուսաստանում, պետք է անցնի պարտադիր բժշկական զննում, այսօր սա անհրաժեշտ պայման է` հաշվի առնելով կորոնավիրուսի տարածման և այլ վտանգավոր վարակների հետ կապված իրավիճակը»,-ասել է ՌԴ վարչապետը:

Կառավարության ղեկավարը հստակեցրել է, որ անցյալ տարի ԵԱՏՄ-ի ավելի քան 2.5 միլիոն քաղաքացի է գտնվել  Ռուսաստանում:

Անցյալ տարվա հոկտեմբերի վերջին Միշուստինը տեղեկացրել էր, որ հաջորդ տարի ԵԱՏՄ տարածքում գործարկվելու է միգրանտների աշխատանքի տեղակայման բջջային հավելված, Ռուսաստանի իշխանություններն ակնկալում են, որ այդպիսով կներգրավեն առավելագույն թվով ռուսախոս քաղաքացիների միության երկրներից՝  Ռուսաստանում աշխատելու համար: