Գիտնականները Մարսում տարբեր սնկային օրգանիզմների գոյության լուսանկարչական ապացույցներ են գտել (լուսանկարներ)

Մարսի վրա «կյանքի որսը» շարունակվում է․ մինչև ՆԱՍԱ-ի վերջին՝ Perseveranc մարսագնացը հնագույն մանրէաբանական կյանքի որևէ նշան գտնելու համար իր գիտական սարքերով ուսումնասիրում է Ջեզերո խառնարանի (Jezero Crater)՝ տարածքը, որը, ինչպես ենթադրվում է, ցամաքած հնագույն լիճ է, գիտնականներն ուսումնասիրում են նախորդ մարսագնացներից ստացված լուսանկարները։

Advances in Microbiology ամսագրում հրապարակված նոր հոդվածում հետազոտողների միջազգային խումբը հայտնում է, որ տիեզերական գործակալությունները և այլ մարսագնացները, հնարավոր է, արդեն իսկ հայտնաբերել են համեմատաբար առաջադեմ կյանքի նշաններ՝ «մարսյան սունկերի» տեսքով։

Հարվարդի և Սմիթսոնյան աստղաֆիզիկայի կենտրոնի և Ջորջ Մեյսոնի համալսարանի հետազոտողների թիմի պնդմամբ՝ NASA-ի Opportunity և Curiosity մարսագնացների, ինչպես նաև Mars Reconnaissance ուղեծրային ապարատին ամրացված տեսախցիկի կողմից արված լուսանկարներում Մարսում սնկային օրգանիզմներ հիշեցնող պատկերներ են երևում։