Չինական մարսագնացն իր առաջին լուսանկարներն է ուղարկել Կարմիր մոլորակից

Չինաստանը ներկայացրել է օրեր առաջ Կարմիր մոլորակում վայրէջք կատարած Zhurong մարսագնացից ստացված առաջին լուսանկարները:

Ինչպես հաղորդում է BBC News-ը, սարքը պատկերել է իր առջև եղած բնապատկերը, իսկ հետին ֆոնին երևում են մարսագնացի արևային վահանակները:

Մարսագնացը Կարմիր մոլորակում վայրէջք է կատարել կիրակի:  Չինաստանը երկրորդ երկիրն է դարձել ԱՄՆ-ից հետո, որը հաջողությամբ Մարս է ուղարկել իր տիեզերական սարքը, և մտադիր է երկարաժամկետ առաքելություն իրականացնել այնտեղ:

Չինացի գիտնականները հույս ունեն, որ 240 կգ կշռող ռոբոտային սարքի առաքելությունը առնվազն 90 մարսիական օր կտևի: