Կենսաբանները Ռուսաստանում սառույցի մեջ պահպանված «24 000-ամյա» բազմաբջիջ օրգանիզմներ են հայտնաբերել (լուսանկարներ)

Կենսաբանները «կենդանացրել են» շուրջ 24 հազար տարի սառույցի մեջ «պատսպարված» մի քանի բազմաբջիջ կենդանիների, Current Biology ամսագրում հրապարակված նոր հետազոտությանը հղումով գրում է ScienceDaily-ը։

Ինչպես հայտնի է, բդելոիդային ռոտիֆերները (Bdelloid rotifers) ամենապարզ բազմաբջիջ կենդանիներից են, սովորաբար ապրում են ջրային միջավայրում և ունեն գոյատևման անհավանական ունակություն․ կարող են դիմադրել երկարատև երաշտին և ցածր ջերմաստիճանին։

Օրերս ՌԴ-ի, ԱՄՆ-ի, Գերմանիայի և Չեխիայի կենսաբանները Յակուտիայի հյուսիս-արևելքում գտնվող Ալազեա գետի մոտակայքում՝ 3,5 մետր խորության վրա գտնվող սառույցների մեջ, մի քանի կենսունակ բդելոիդային ռոտիֆերներ են հայտնաբերել։

Ռադիոածխածնային վերլուծությունը ցույց է տվել, որ բազմաբջիջ կենդանիները «24 հազար տարեկան են»։