Model S Plaid. Իլոն Մասկը ներկայացրել է Tesla-ի նոր մոդելը (լուսանկարներ, տեսանյութ)

14:16 • 11.06.21

Ամերիկյան Tesla ընկերությունն այսօր ներկայացրել է իր առաջատար Tesla Model S Plaid էլեկտրական սեդանը: Tesla-ի գործադիր տնօրեն Իլոն Մասկի գլխավորությամբ անցկացված շնորհանդեսը հեռարձակվել է ընկերության YouTube-յան պաշտոնական ալիքով:

Իլոն Մասկի խոսքով՝ Tesla Model S Plaid մոդելը կլինի «երբևէ ստեղծված ամենաարագընթաց սերիական մեքենան»: Վերջերս էլեկտրական մեքենան համաշխարհային ռեկորդ է սահմանել 402 մ մրցավազքում՝ տարածությունը հաղթահարելով 9,2 վայրկյանում:

Մեքենան ապահովված է վերալիցքավորվող մարտկոցով: Այն ունի 1020 ձիաուժ հզորություն և մինչև 96 կմ/ժամ արագություն կարող է բացել ընդամենը 1,99 վայրկյանում:

Էլեկտրական մեքենան ընդհանուր առմամբ համալրված է երեք շարժիչով:

Բացի այդ, էլեկտրական մեքենան համալրված է նոր փոխանցումատուփով, ղեկանիվով (շտուրվալ), նորացված մինիմալիստական ինտերիերով, հիմնային մոդելից տարբերվող լանդշաֆտային կողմնորոշմամբ սենսորային էկրանների դասավորությամբ և այլ նորույթներով:

Tesla increases Model S Plaid price by $10,000 just ahead of first deliveries - Electrek Tesla Model S Plaid 'delivery event' confirmed for June 3rd - The Verge