Ինդոնեզիայում երկրաշարժի զոհերի թիվը հասել է 252-ի
Ինդոնեզիայում տեղի ունեցած երկրաշարժի զոհերի թիվը հասել է 252-ի, հայտնում է Reuters-ը՝ հղում անելով տեղական իշխանություններին։
Տուժել է 377 մարդ, ևս 31-ը անհետ կորել է, տարհանվել է 7060 մարդ։
Դեպքը տեղի է ունեցել երեկ՝ նոյեմբերի 21-ին։
5,1 մագնիտուդ հզորությամբ երկրաշարժի էպիկենտրոնը գտնվել է Ջակարտայից 74 կմ հարավ-արևելք։ Ավերվել է ավելի քան 2,3 հազար տուն, վնասվել են դպրոցներ ու հիվանդանոցներ։ Տարեսկզբից սա երրորդ խոշոր երկրաշարժն է Ինդոնեզիայում՝ հունվարին ցնցումների հետևանքով զոհվել է 25 մարդ, իսկ փետրվարին՝ ավելի քան 100 մարդ։










