Եղանակն՝ այսօր
Փաշինյանը չի ուզում հրաժարական տալ, մենք ուզում ենք, որ տա․ տեսնենք՝ ում ցանկությունը կիրականանա․ Սերժ Սարգսյան
Փաշինյանը չի ուզում հրաժարական տալ, մենք ուզում ենք։ Տեսնենք՝ ում ցանկությունը կիրականանա։
Ազատության հրապարակում լրագրողների հետ զրույցում ասել է ՀՀ 3-րդ նախագահ Սերժ Սարգսյանը։
Հարցին, թե հնարավոր է շուրջօրյա բողոքի ակցիաներ անցկացվեն, Սերժ Սարգսյանն պատասխանել է, որ ամեն ինչ էլ հնարավոր է։
Հարցին՝ ստեղծված իրավիճակից ելքը ո՞րն է, ՀՀ երրորդ նախագահն արձագանքեց․
«Պետք է փոխվի Հայաստանի ղեկավարությունը, դրանից հետո ամեն ինչը կընկնի իր տեղը։ Ամեն ինչը հնարավոր է վերականգնել»։
Լրագրողները Սերժ Սարգսյանից հետաքրքրվեցին նաև՝ ապագա կառավարության ձևավորմանը մասնակցություն կունենա՞։ Նա բացասական պատասխան տվեց։
«Ձևավորմանը՝ ոչ, հեռացմանը»,- ասաց նա։
Սերժ Սարգսյանը նշեց, որ Արցախը միշտ էլ գործոն է եղել.
«Կախված այնտեղ տիրող տրամադրություններից, ղեկավարների մոտեցումներից, այդ գործոնը կամ շատ մեծացել է, կամ փոքրացել է։ Կարծում եմ՝ հիմա իրավիճակն այնպիսին է, որ այո, Արցախի գործոնը էական հանգամանք է հանդիսանալու»։
Լրագրողները հարցրել են նաև Շառլ Միշելի վերջին հայտարարության մասին․
«Ուրախ եմ, որ Շառլ Միշելը Արցախից նորից խիզախություն է պահանջում, արցախցիները իրեն հուսախաբ չեն անի։ Բայց կարող է նա ուրի՞շ խիզախություն նկատի ունի»,-ասել է Սերժ Սարգսյանը։
Studio One