New York Post-ը պարզել է՝ որքան արժե Բայդենի ելույթը որևէ միջոցառմանը

09:54 • 18.04.25

ԱՄՆ նախկին նախագահ Ջո Բայդենի հայտնվելը որևէ միջոցառմանը կազմակերպիչներին կարժենա 300,000 դոլար, հաղորդում է New York Post-ը։ Հրատարակության տվյալներով՝ նախկին նախագահի կողմից նման ծառայությունը, սակայն, այդքան էլ պահանջարկ չունի:

Փետրվարի սկզբից Ջո Բայդենը ներկայացնում է Creative Artists Agency-ն: Ըստ թերթի աղբյուրի, եթե որևէ միջոցառման շրջանակում ելույթի համար ուղևորություն է պետք, անհրաժեշտ կլինի Բայդենին տրամադրել անձնական ինքնաթիռ և հոգալ հինգ աշխատակցի ծախսերը։ Մինչդեռ Բայդենի բուն ելույթն արժե 300,000 դոլար:

Հատկանշական է, որ սա 25%-ով ավելի քիչ է, քան ԱՄՆ 44-րդ նախագահ Բարաք Օբամայի ելույթի արժեքը, երբ նա հեռացավ պաշտոնից 2017 թվականին: Այն ժամանակ ԱՄՆ պատմության մեջ առաջին սևամորթ նախագահի ելույթն արժեր 400,000 դոլար: