Եղանակն՝ այսօր
Հռոմի Պապ Լևոն XIV-ը պատրաստ է դուրսգրման թոքի վիրահատությունից հետո
Հռոմի Պապ Լևոն XIV-ը, ով հոկտեմբերի 13-ին թոքի վիրահատություն է տարել, պատրաստ է դուրսգրման: Այս մասին հայտնել են նրա բուժող բժիշկները, հաղորդում է ՏԱՍՍ-ը։
«Արյան անալիզների, այս առավոտ արված կրծքավանդակի ռենտգեն նկարի և հիվանդի կլինիկական վիճակի գնահատման հիման վրա Սրբազան Քահանայապետը կարող է դուրս գրվել», - ասված է բժիշկների հայտարարության մեջ:
Հիշեցնենք, որ 71-ամյա Լևոն XIV-ին, ով պապական գահին է բարձրացել 1,5 տարի առաջ, հեռացրել են թոքի մի մասը ադենոկարցինոմայի (չարորակ ուռուցք) պատճառով: Հետագա բուժման միջոցառումների մասին չի հաղորդվում, ենթադրաբար վիրահատական միջամտությունը բավարար է եղել:
Սուրբ Աթոռի մամուլի ծառայությունում հայտնել են, որ արդեն օրվա վերջին քահանայապետը կլինի Վատիկանում և հոկտեմբերի 18-ին Սուրբ Պետրոսի հրապարակում գտնվող Առաքելական պալատի պատուհանից կդիմի հավատացյալներին:
Studio One