Apple-ն առաջին խանութը բացեց Չինաստանում

13:32 • 21.07.08

Հուլիսի 19-ին Չինստանում բացվել է Apple-ի առաջին ֆիրմային խանութը։ Բացման պահին Apple Store խանութի մոտ 400 մարդուց բաղկացած հերթեր էին գոյացել, ովքեր արդեն հուլիսի 18–ից հավաքվում էին խանութի մոտ։ 

Apple Store խանութը գտնվում է Պեկինում։ 2009թ. Apple ընկերությունը մտադիր է ևս մեկ խանութ բացել Չինաստանի մայրաքաղաքում։ Ավելի ուշ Apple Store խանութ կբացվի Շանհայում, իսկ հետագայում նաև Չինաստանի այլ քաղաքներում։

Նշենք, որ չինական Apple Store-ում գներն ավելի բարձր են, քան ԱՄՆ–ում և Եվրոպայում։

Ուշագրավ է, որ խանութում ներկայացված չեն iPhone հեռախոսները, քանի որ Apple-ը և Չինաստանի խոշորագույն բջջային օպերատոր China Mobile-ը վերջնականապես չեն պայմանավորվել սմարթֆոնի վաճառքի վերաբերյալ։