Շվարցենեգերի կինը փոշմանել է

Կալիֆորնիայի նախկին նահանգապետ Առնոլդ Շվարցենեգերի կինը` Մարիա Շրայվերը, ով այս տարվա հուլիսին հայտարարել էր ամուսնուց բաժանվելու մասին, չի բացառել ամուսնալուծության գործընթացը կանգնեցնելու հնարավորությունը:

Ինչպես հաղորդում է TMZ պորտալը, վարկածներից մեկի համաձայն` ամուսնալուծությունը դեմ է Շրայվերի կրոնական համոզմունքներին: Ինքը` Շվարցենեգերը, նույնպես դեմ չէ ամուսնությունը փրկելուն: Նա փորձում է կնոջ սիրտը շահել` նվերների օգնությամբ:

People ամսագրի համաձայն` դերասանը Սուրբ Ծննդյան տոնն անցկացրել է ընտանիքի հետ միասին, և «նրանք անցկացրել են լավ ժամանակ»:

Առնոլդ Շվարցենեգերը ԱՄՆ նախագահ Ջոն Քենեդիի զարմուհի Մարիա Շրայվերի հետ ամուսնացել է 1986 թվականին: Նրանք ունեն չորս երեխա: Զույգի ամուսնալուծության պատճառ էր դարձել դերասանի` արտամուսնական կապից ծնված երեխան: