Իրանում Gmail-ը դարձյալ հասանելի է

Իրանի իշխանությունները վերականգնել են  Google-ի Gmail ծառայության հասանելիությունը։ Google-ի այդ ծառայությունն արդեն երեկվանից դարձյալ հասանելի է իրանցիներին։

Իրանում Gmail-ի ծառայություններից օգտվում է շուրջ 34 մլն օգտատեր։
 

 YouTube-ը, որը նույնպես պատկանում է Google-ին, շարունակում է արգելափակված մնալ Իրանում՝ հակաիսլամական «Մուսուլմանների անմեղությունը» ֆիլմի պատճառով:

Չնայած բազմաթիվ բողոքի ակցիաներին՝ ֆիլմն առաջվա պես հասանելի է YouTube-ում։

Իրանի իշխանությունները վաղուց են հայտարարել սեփական ինտերնետ ստեղծելու որոշման մասին։
 

Google-ն ու Gmail-ն արգելափակելու մասին որոշումը համընկել էր կառավարության` Ազգային ինտերնետ ստեղծելու ծրագրի հետ, որն արդեն գտնվում է սկզբնական փուլում: