Երկրագնդի բնակիչները շուտով գունագեղ աստղաթափի ականատես կլինեն

Մոտակա մի քանի օրը մեր մոլորակը ականատես կլինի ամենատեսարժան և պատկերավոր երկնային երևույթներից մեկի` աստղային անձրևի, հաղորդում է vesti.ru-ն:

Մետեորիտները կգան Դրակոնի համաստեղությունից, և հենց դրանով է պայմանավորված աստղաթափի անվանումը` Դրակոնիդներ:

Այս աստղաթափն ամենակարճատևներից է համարվում և միայն 4 օր կշարունակվի:

Լավ եղանակի պայմաններում երկնային տարափը հեշտ նկատելի կլինի, դրա համար չի լինի նույնիսկ հատուկ միջոցների անհրաժեշտություն:

Ժամանող երկնաքարերը անսովոր կարմրավուն երանգ ունեն: Երկնակամարով ամեն ժամ մինչև 30 մետեորիտ կանցնի: