Facebook-ն ու Twitter-ն ավելի գրավիչ են, քան սեքսը. հետազոտություն

Ամերիկացի ուսումնասիրողները հրապարակել են իրենց հետազոտության արդյունքները, որոնց համաձայն Facebook և Twitter սոցիալական կայքերը Ինտերնետի դարաշրջանի ռիթմով ապրող մարդկանց համար ավելի գրավիչ են, քան սեքսը, հայտնում է Los Angeles Times-ը:

Ուսումնասիրությունը տևել է մեկ շաբաթ, անց է կացվել Գերմանիայում Չիկագոյի համալսարանի գիտնականների կողմից: Ուսումնասիրողները մասնավորապես նշել են, թե սոցիալական կայքերում լուսանկարներ նայելը կամ մեկնաբանություններին հետևելը գայթակղիչ լինելու առումով ավելին են, քան սեքսը և ծխախոտը: Հետազոտվել են 18 – 85 տարեկան մարդիկ:

Հետազոտվողները նշել են, որ առցանց ցանկությունները ամենբարդ զսպելին են, իսկ գիտնականները նման երևույթը բացատրել են մեդիամատչելիությամբ:

Ուսումնասիրությունը ցույց է տվել նաև, որ աշխատանքը խիստ կախվածություն է. սեքսից, շոփինգից և այլ գայթակղություններից իրենց զերծ պահած մարդիկ չեն կարողացել չտրվել աշխատելու գայթակղությանը: