Մարմնին երջանկություն և դեպրեսիա բերող դիրքերը՝ ըստ ամերիկացի գիտնականների

Ամերիկացի գիտնականները պնդում են, որ մարմնի դիրքը կապված է տրամադրության հետ, հայտնում է Daily Mail-ը:

Սան Ֆրանցիսկոյի պետական համալսարանի հետազոտությամբ պարզվել է, որ ձիգ, ուղիղ նստելու կամ կանգնելու դեպքում տրամադրությունը բարձրանում է:

Իսկ այն մարդիկ, ովքեր կռացած են ման գալիս, ավելի շատ են ենթակա դեպրեսիայի: Ըստ գիտնականների՝ ոչ ձիգ վիճակում մարմինը շարունակում է իր մեջ պահել դեպրեսիվ էներգետիկան:

Իսկ առհասարակ մարմնի դիրքը փոխելով՝ կարելի է փոխել տրամադրությունը: Ըստ հետազոտությանը մասնակցած պրոֆեսոր Էրիկ Փեփերի՝ մարմնի դիրքը փոփոխելու դեպքում դեպրեսիայի ենթարկվելու հավանականությունը քչանում է:

Նույն համալսարանի նախորդ ուսումնասիրության համաձայն՝ առհասարակ շարժողականությունն ու ֆիզիկական վարժությունները երջանկություն են բերում:

Այս գիտնականները պնդում են, որ մեր կյանք ավելի տարատեսակ շարժումներ ներմուծելով՝ մենք կբարելավենք կյանքի որակը:

Գիտնականները նման եզրահանգումների են եկել՝ ուսումնասիրելով իրենց իսկ 110 ուսանողների: