Ֆրանսիայում մամոնտի բացառիկ կմախք է հայտնաբերվել

Ֆրանսիայի Շանժի սյուր Մարն տեղանքում՝ Մարն գետի ափին մամոնտի բացառիկ կմախք է հայտնաբերվել, հայտնում է Life News-ը:

Դեռևս հուլիսին ֆրանսիացի գիտնականները գտել էին ոսկորներ և ժանիքներ, իսկ հոկտեմբերին պեղվել էր գրեթե ամբողջ կմախքը:

Ֆրանսիական հնէաբանության համար սա բացառիկ գտածո է. սա 2-րդ լավ պահպանված բրածո կենդանու կմախքն է, որ գտնվել է Ֆրանսայի տարածքում:

Փորձագետների նախնական գնահատականով մամոնտը 200 000 – 500 000 տարեկան է: Սատկելու պահին այն եղել է 20 – 30 տարեկան:

Բրածո մամոնտին անվանել են Հելմուտ՝ գիտարշավի թիմի պատվին: