Բրիտանացի բժիշկները կսկսեն «ընդունել» հիվանդներին Skype-ի միջոցով

Մեծ Բրիտանիայում այսուհետ բժիշկները կկազմակերպեն առցանց խորհրդատվություն և հրահանգներ կտան հիվանդներին Skype-ի միջոցով։

Բրիտանական բժշկության մեջ տեխնոլոգիական հեղափոխություն է հասունանում, հայտնում է НТВ-ն։ Այժմ պարտադիր չի լինի շտապօգնություն կանչել կամ այցելել հերթապահ բժշկին, կարելի է կազմակերպել առցանց խորհրդատվություն տեսակապի միջոցով։ Նման ծրագիր է նախատեսում թողարկել Բրիտանիայի առողջապահության նախարարությունը։

Նախարարության ծրագիրը թույլ կտա տարեկան խնայել միլիարդավոր ֆունտ ստերլինգ և հսկայական ժամանակ։

Պաշտոնյաները վստահ են, որ շատ դեպքերում հիվանդներին պետք չէ բժշկի ներկայությունը, իսկ խորհրդատվություն կարելի է ստանալ և հեռվից։