Հոգեբանները պարզել են տարբեր լեզուներով խոսող ընտանիքների երեխաների երկլեզվության գաղտնիքը

Երկու տարբեր լեզուներով խոսող ընտանիքների երեխաներն իրենց համար նոր բառերը հիշում են՝ կողմնորոշվելով ըստ բառերը կազմող հնչյունների բարձրության ու երկարության, ինչը նրանց թույլ է տալիս հեշտորեն երկու լեզու յուրացնել: Այս մասին հայտնել են ֆրանսիացի ու կանադացի հոգեբանները՝ Nature Communications ամսագրում իրենց հոդվածով, որը փոխանցում է Газета-ն։

Վանկուվերի Բրիտանական Կոլումբիայի և Փարիզ-Դեկարտի համալսարանի գիտնականներն այս եզրակացությանն են եկել՝ հետևելով 7 ամսական երեխաների, որոնց ծնողները խոսել են բոլորովին տարբեր լեզուներով, ինչպիսիք են անգլերենը, իսպաներենը, ճապոներենը, թուրքերենը, բասկերի լեզուն: Փորձերի ընթացքում օգտագործվել են լուսադիոդներ և բարձրախոսներ:

Երեխաների շարժումներից, բիբերի ռեակցիայից և այլ չափորոշիչներից գիտնականները պարզել են, որ իրենց ծնողների կիրառած լեզուները ճանաչելու հարցում վճռական են լինում հնչյունների բարձրությունն ու երկարությունը: Հենց դա է նրանց թույլ տալիս իրենց հիշողության մեջ 2 տարբեր բառապաշար պահել՝ առանց իրար խառնելու: