Facebook-ը ենթարկվել է հաքերային լավ կազմակերպված հարձակման

Աշխարհի խոշորագույն սոցկայք Facebook-ի անվտանգության ծառայությունը տարածել է հաղորդագրություն, որում նշվում է, որ այս տարվա հունվարին սոցկայքը ենթարկվել է հաքերների պրոֆեսիոնալ և լավ մշակված հարձակման, տեղեկացնում է Лента-ն։

Ըստ հաղորդագրության՝ հարձակման համար հաքերներն օգտագործել են ընկերության կայքը, որտեղ գրանցված են եղել Facebook-ի մի շարք աշխատակիցներ։ Հաքերների կողմից կոտրված կայք այցելությունից հետո սոցկայքի աշխատակիցների նոութբուքերում հայտնվել է վիրուս։

Հարձակման փաստը հայտնաբերվելուց հետո Facebook-ի ներկայացուցիչները տեղի ունեցածի վերաբերյալ տեղեկացրել են իրավապահ մարմիններին։

Facebook-ի հայտարարության մեջ ընդգծվում է, որը որևէ տվյալներ չկան, որոնք կապացուցեն, որ հաքերներին հաջողվել է մատչում ունենալ սոցկայքի օգտատերերի անձնական տվյալներին։