Ճապոնացիների ստեղծած սարքով հաշմանդամներն արդեն կարող են քայլել

Ճապոնացիները ստեղծել են հատուկ էկզոկմախք, որը նախատեսված է քաղաքային զբոսանքների համար: Սարքը նախատեսված է ծերերի և հաշմանդամների համար, որոնք խնդիրներ ունեն հենաշարժիչ օրգանների հետ, գրում է Russia Today-ի ռուսական ծառայությունը:

Էկզոկմախքը կրկնում է մարդկային ոտքերի տեսքը՝ ամրանալով մարդու կողերին: Նորարարությունը ստացել է HAL անվանումը: Արտադրությամբ զբավել է տեղական ռոբոտներ արտադրող Cyberdyne կազմակերպությունը: Մինչ այդ նրանք ստեղծել էին էլեկտրական ձեռքեր:

Ըստ Ճապոնիայի արդյունաբերության ներկայացուցիչների՝ էկզոկմախքները համապատասխանում են անձնական ռոբոտացված սարքերի անվտանգության վերաբերյալ միջազգային նորմերին: Ճապոնիան առաջին է աշխարհում, որի կողմից ստեղծված սարքերը համապատասխանում են այս նորմերին: Ռոբո-ոտքերը գործի են դրվում՝ ազդակներ ստանալով մարդու մկաններից: Սարքը աշխատում է մարտկոցների միջոցով:

«Սա Ճապոնիայի համար ևս մեկ քայլ առաջ է  ռոբոտների արտադրության ոլորտում: Այս էկզոկմախքների միջոցով մենք հաղորդագրություն ենք ուղարկում ամբողջ աշխարհին, որ ռոբոտներն ապագայի տեխնոլոգիաներ են»,- հայտարարել են HAL-ի աշխատակիցները