«Մյունխենյան գանձերի» սեփականատիրոջը կվերադարձվի 400 կտավ

Գերմանական Աուգսբուրգ քաղաքի դատախազությունը հաղորդել է, որ Մյունխենի բնակիչ Կորնելիուս Գուրլիտը, ում բնակարանից առգրավել էին հայտնի նկարիչների մոտ 1500 կտավներ, գլուխգործոցների մի մասը ետ կստանա, հայտնում է Лента-ն՝ վկայակոչելով Deutsche Welle-ին։

Դատախազության ներկայացուցիչների խոսքով՝ այն կտավները, որոնք իսկապես չեն գողացվել նացիստների կողմից և, անկասկած, մեղադրյալի սեփականությունն են, «անհապաղ» կվերադարձվեն նրան։ Այսպիսով՝ նա կարող է ետ ստանալ ավելի քան 400 կտավ։

Կորնելիուս Գուրլիտն ավելի վաղ նշել էր, որ ոչ մի կտավ ինքնակամ չի տա պետությանը, քանի որ դրանք իր օրինական սեփականությունն է համարում։