Աշխարհում հետապնդման է ենթարկվում ավելի քան 100 միլիոն քրիստոնյա. հետազոտություն
Աշխարհում հետապնդման է ենթարկվում ավելի քան 100 միլիոն քրիստոնյա: Ընդ որում՝ առավել դաժան են Հյուսիսային Կորեայի իշխանությունները։ Այս մասին ասվում է «Հետապնդումների համաշխարհային ինդեքս» հետազոտության մեջ, որը հրապարակվել է չորեքշաբթի՝ հունվարի 8-ին՝ իրավապաշտպան Open Doors կազմակերպության կողմից, գրում է dw.de-ն:
Կորեայի Ժողովրդադեմոկրատական Հանրապետության այն քաղաքացիներին, որոնց մոտ Աստվածաշունչ է հայտնաբերվել, մահապատիժ է սպառնում, ընդ որում՝ խիստ պատժի է ենթարկվում ողջ ընտանիքը:
Հյուսիսային Կորեային հաջորդում են երկրներ, որտեղ բռնության են հիմնականում դիմում իսլամիստ ծայրահեղականները՝ Սոմալի, Սիրիա, Իրաք, Աֆղանստան, Սաուդյան Արաբիա, Մալդիվներ, Պակիստան, Իրան և Եմեն: Ընդհանուր առմամբ, ցանկում հայտնվել է 50 երկիր, որտեղ քրիստոնյաները հետապնդումների են ենթարկվում:
Լուրջ մտահոգություն է առաջացնում քրիստոնյաների հետապնդումն Աֆրիկայում:
«Դժբախտաբար, քրիստոնյաների նկատմամբ հրեշավոր դաժանությունները չեն արժանանում միջազգային հանրության անհրաժեշտ ուշադրությանը»,- հայտարարել է Գերմանիայում Open Doors-ի մասնաճյուղի ղեկավար Մարկուս Ռոդեն:










