Չինաստանն արգելափակել է Guardian թերթի կայքի հասանելիությունը

17:45 • 08.01.14

Չինաստանի իշխանությունները մասնակիորեն արգելափակել են The Guardian թերթի կայքի հասանելիությունը: Բրիտանական թերթի խմբագրությունից հայտնել են, որ տեղյակ չեն դրա պատճառների մասին, գրում է gazeta.ru-ն:

 

«The Guardian կայքի արգելափակման պատճառները պարզ չեն: Վերջին երկու օրերի ընթացքում The Guardian-ի՝ Չինաստանի հետ կապված նյութերից և ոչ մեկը երկրի ղեկավարությունը չէր կարող ընկալել որպես վտանգավոր»,- նշում է թերթը:

 

Նաև նշվում է, որ հունվարի 6-ին հրապարակվել է Չինաստանի հյուսիս-արևմուտքում գտնվող Սինդզյան-Ույղուր ինքնավար շրջանում անկարգությունների մասին հոդված:

 

«Մենք հիասթափված ենք նրանով, որ կայքն արգելափակվել է այդ երկրում: Հուսով ենք, որ մոտակա ժամանակներում այն կրկին հասանելի կդառնա»,- հայտնել են խմբագրությունից: