Ռուսական օդանավակայաններում կարգելեն հեղուկ տեղափոխել ձեռքի ուղեբեռում
Ռուսական բոլոր օդանավակայաններին և քաղաքական ավիացիայի կազմակերպություններին հրահանգվել է թռիչքից առաջ ստուգել բոլոր հեղուկները և անձնական հիգիենայի միջոցները, որոնք գտնվում են ուղևորի ձեռքի ուղեբեռում, ինչպես նաև՝ խորհուրդ են տալիս դրանք հանձնել այլ բեռների հետ: Այս մասին հաղորդում է Газета.ru-ն՝ հղում կատարելով «Ռոսավիացիային»:
Հաղորդվում է, որ դեղամիջոցները և անձնական հիգիենայի միջոցներն արգելված չեն, և ուղևորը կարող է դրանք իր հետ վերցնել համապատասխան ստուգումներ անցնելուց հետո:
Այս խստացումները պայմանավորված են օդային փոխադրամիջոցում ինքնաշեն ռումբերի օգտագործմամբ ահաբեկչության կազմակերպման վտանգի հետ:










