Կանադայում թռչնագրիպից կին է մահացել

13:42 • 09.01.14

Հյուսիսային Ամերիկայում գրանցվել է առաջին դեպքը, երբ մարդ է մահացել H5N1 թռչնագրիպից, հայտնում է «Ազատություն» ռադիոկայանի ռուսալեզու ծառայությունը:

 

Հունվարի 3-ին Կանադայի Ալբերտա նահանգում մահացել է կին, որը, պարզվում է, անցած տարվա վերջին եղել է Չինաստանում:


Կանադայի առողջապահության նախարար Ռոն Ամբրոզան հայտնել է, որ սա մեկուսացված դեպք է, և բնակչության շրջանում հիվանդության տարածման ռիսկը խիստ ցածր է:

 

Առողջապահության համաշխարհային կազմակերպության տվյալով՝ վերջին տասը տարում մարդկանց շրջանում թռչնագրիպի 648 հաստատված դեպք է գրանցվել, հիմնականում` Ասիայի երկրներում: Նրանցից 384-ը մահացել է: