Կանադացի տիեզերագնաց Քրիս Հեդֆիլդը դարձել է Իռլանդիայի զբոսաշրջային դեսպան
Կանադացի տիեզերագնաց Քրիս Հեդֆիլդը, ով ճանաչում էր ձեռք բերել տիեզերքում Դևիդ Բոուի Space Oddity երգի կատարումից հետո, դարձել է Իռլանդիայի զբոսաշրջային դեսպան, գրում է gazeta.ru-ն՝ հղում անելով The Irish Times-ին:
Հեդֆիլդը, ով այսօր ժամանում է Դուբլին, մտադիր է գովազդել Իռլանդիայի ամենահայտնի տեսարժան վայրերը, այդ թվում՝ «Գինես» գարեջրի և «Տիտանիկ Բելֆաստ» թանգարանները:
Տիեզերագնացը կհամագործակցի Tourism Ireland կազմակերպության հետ, որը զբաղվում է կղզու՝ որպես զբոսաշրջային ուղղություն, առաջխաղացմամբ: Ուրբաթ Հեդֆիլդը կհանդիպի Իռլանդիայի և Հյուսիսային Իռլանդիայի զբոսաշրջության նախարարների հետ:
Հեդֆիլդը բազմիցս հետաքրքրություն է ցուցաբերել Իռլանդիայի նկատմամբ:










