Թունիսի վարչապետը հրաժարական է տվել

22:37 • 09.01.14

Թունիսի վարչապետ Ալի Լարայեդը հայտարարել է իր հրաժարականի մասին: Այս մասին հաղորդում է Газета.ru-ն՝   Reuters-ին հղումով:


Լարայեդը հայտարարել է, որ հրաժարականի դիմումը հանձնել է նախագահին:


Քաղաքական գործիչը նշել է, որ մոտ ժամանակներս կձևավորվի Թունիսի ժամանակավոր կառավարությունը Մեհդի Ջոմաայի գլխավորությամբ:


Վարչապետի հրաժարականը 2011 թվականի հեղափոխությունից հետո սկսված զանգվածային հուզումների արդյունք էր: 2013 թվականի փետրվարին Թունիսում սպանվել էր աշխարհիկ դեմոկրատական կուսակցության ղեկավար Շուքրի Բելաիդը: Ընդդիմադիրները սպանության մեջ կասկածում էին իսլամիստներին և պահանջում Թունիսի կառավարության հրաժարականը: