«Սոչի-2014»-ի կազմակերպման համար տրամադրված գումարի 1/3-րդը հափշտակվել է

09:49 • 10.01.14

Միջազգային օլիմպիական կոմիտեն եկել է եզրակացության, որ Սոչիի Օլիմպիադայի կազմակերպման համար տրամադրված միջոցների մեկ երրորդը հափշտակվել է, հայտնում է «Էխո Մոսկվին»:

 

ՄՕԿ-ի անդամ Ժան Ֆրանկո Կասպերն այս մասին հայտնել է SFR հեռուստառադիոընկերությանը տված հարցազրույցում, սակայն ասել է, որ զարմացած չէ, քանի որ Ռուսաստանում դա սովորական երևույթ է: Նա նշել է, որ խոսքը 13 մլրդ ԱՄՆ դոլարի մասին է:

 

Բուն Օլիմպիադան Կասպերն անվանել է ՌԴ նախագահ Վլադիմիր Պուտինի անձնական PR ակցիա: Նա առաջարկել է նույն կերպ դիտարկել նաև Greenpeace-ի և Pussy Riot-ի համաներումը, «ՅՈՒԿՕՍ» ռուսական նավթային ընկերության նախկին ղեկավար Միխայիլ Խոդորկովսկու ազատ արձակումը:

 

Ավելի վաղ նա Die Welt-ին ասել էր, որ Օլիմպիադայի կազմակերպիչները բազմաթիվ խնդիրներ ունեն, սակայն Պուտինի անսահմանափակ ֆինանսական հնարավորությունները թույլ կտան խուսափել խափանումներից: