Հնդկաստանում հողային վեճի պատճառով 10 հոգի է սպանվել

12:19 • 30.01.14

Հնդկաստանում երկու հարևան նահանգների բնակիչների միջև առաջացած հողային վեճի պատճառով առնվազն 10 մարդ է զոհվել, տեղեկացնում է РИА Новости գործակալությունը։

 

Միջադեպը տեղի է ունեցել երեկ։ Արունաչալ-Պրադեշ նահանգի զինված բնակիչները հարձակվել են Ասսամ նահանգի՝ ջունգլիներում գտնվող Չաոլդհով բնակավայրի վրա։ Սպանվել է առնվազն 10, վիրավորվել՝ 12 մարդ։ Ոստիկանության տվյալներով՝ հարձակվողները մոտ 100 կրակոց են արձակել։

 

Ոստիկանությունը հաղորդում է, որ զանգվածային սպանությունը տեղի է ունեցել երկու նահանգների սահմանին գտնվող անտառի պատճառով երկար ժամանակ շարունակվող հակամարտությունից հետո։

 

Իրավապահները լրացուցիչ ուժեր են ուղարկել ողբերգության վայր։
 

Հնդկաստանի հյուսիս-արևելքում հաճախ բախումներ և սպանություններ են տեղի ունենում միջկրոնական թշնամության, հողային վեճերի պատճառով։