Պակիստանում արգելվել է Մալալա Յուսուֆզայի գրքի վաճառքը՝ թալիբների կողմից հարձակումներից խուսափելու նպատակով
Պակիստանցի 16-ամյա իրավապաշտպան Մալալա Յուսուֆզայի հուշագրությունը, որը հրապարակվել է «Ես Մալալան եմ» խորագրով, արգելվել է իր հայրենի նահանգում՝ վախենալով, որ այն կարող է հայտնվել թալիբների ուշադրության կենտրոնում և նոր հարձակումների առիթ դառնալ:
Ինչպես հայտնում է Daily Mail-ը՝ ոստիկանությունն իր տարածած հաղորդագրության մեջ նշել է, որ գրքի թողարկումից հետո չի կարողանա ապահովել անվտանգությունը Փեշավար նահանգում:
Մալալան մեկ անգամ արդեն ենթարկվել է հարձակման թալիբների կողմից՝ 2012-ի հոկտեմբերին, երբ ընդդիմանում էր աղջիկների կրթության նկատմամբ թալիբների սահմանափակումներին:
Իր գրքում, որը Մալալան գրել է բրիտանացի լրագրող Քրիստինա Լեմի հետ համատեղ, աղջիկը ներկայացնում է իր արտառոց պատմությունն ու դերը որպես ակտիվիստ՝ կանանց իրավունքների համար պայքարում:












