Սաուդյան Արաբիայում 15 ուխտագնաց է մահացել այրվող հյուրանոցում

12:47 • 09.02.14

Սաուդյան Արաբիայում մուսուլմանների համար սուրբ Մեդինա քաղաքում մեծ հրդեհ է տեղի ունեցել: Հյուրանոցի այրման պատճառով 12 մարդ է մահացել, ևս 130-ը վիրավորվել է, շատերը գտնվում են ծանր վիճակում, հաղորդում է ntv.ru-ն:


Հայտնի է, որ մահացածների մեծ մասը եգիպտացիներ են, նրանցից երկուսը՝ երեխա: Որոշ տեղեկությունների համաձայն՝ հրդեհը դեռ շարունակվում է շենքում, այլ տեղեկություններով՝ այն հասցրել են մարել:


Հաղորդվում է, որ այրվող հյուրանոցում ապրում էին ուխտագնացներ, որոնք Մեդինա էին եկել փոքր հաջ կատարելու համար: Ընդհանուր առմամբ հյուրանոցում ապրում էր տարբեր երկրներից մոտ 700 ուխտագնաց:


Հրդեհի նախնական պատճառ են համարում կարճ միացումը: