Իրանն ավելի ագրեսիվ է դարձել միջազգային ասպարեզում պատժամիջոցների թուլացումից հետո. Նեթանյահու

16:55 • 09.02.14

Պատժամիջոցների թուլացումից հետո Թեհրանն ավելի ագրեսիվ է դարձել միջազգային ասպարեզում։ Նման հայտարարությամբ է հանդես եկել Իսրայելի վարչապետ Բենյամին Նեթանյահուն՝ կառավարության հերթական նիստի ընթացքում, գրում է ИТАР-ТАСС-ը։

 

«Իրանի հանդեպ պատժամիջոցների թուլացումը չի փոխել Թեհրանի ագրեսիվ դիրքորոշումը միջազգային ասպարեզում։ Իրանը շարունակում է մահաբեր զենք մատակարարել ահաբեկչական կազմակերպություններին, ինչպես նաև իր ռազմական նավերն ուղղորդել է դեպի Ատլանտյան օվկիանոս»,- ասել է Իսրայելի վարչապետը։

 

Նեթանյահուն նշել է, որ միջազգային հանրությունը թուլացրել է պատժամիջոցները, իսկ Իրանն էլ ավելի է մեծացրել իր ագրեսիան։