Ռուսաստանն ու Եգիպտոսը 2 մլրդ դոլարի զենքի գործարք են կնքել
Եգիպտոսը Ռուսաստանի հետ 2 մլրդ դոլարի սպառազինության պայմանագիր է կնքել. տեղեկացնում է gazeta.ru-ն՝ Egypt Independent-ին հղումով, որն էլ իր հերթին հղում է անում Կահիրեի բարձրաստիճան աղբյուրին։
Գործարքը՝ ժամանակակից համակարգերի ձեռքբերման համար, ֆինանսավորելու են Սաուդիան Արաբիան և Միացյալ Արաբական էմիրությունները։
Աղբյուրի խոսքերով՝ Եգիպտոսի և Ռուսաստանի կառավարությունը համաձայնագրի մանրամասները քննարկել է վերջին շաբաթների ընթացքում։
Ռուսական զինամթերք ձեռք բերելու նպատակով բանակցություններն սկսվել են 2013թ.-ի նոյեմբերին՝ Ռուսաստանի պաշտպանության նախարար Սերգեյ Շոյգուի և արտգործնախարար Սերգեյ Լավրովի՝ Կահիրե կատարած այցի ընթացքում։
Ակնկալվում է, որ զենքի առաջին խմբաքանակի մատակարարումը տեղի կունենա ընթացիկ տարվա կեսերին։










