Ինքնաթիռ առևանգել ցանկացող ուկրաինացին Ստամբուլում կալանավորվել է

10:12 • 10.02.14

Ուկրաինայի բնակիչը, որը ցանկացել էր գրավել Խարկով-Ստամբուլ ինքնաթիռը, Ստամբուլում կալանքի տակ է առնվել, տեղեկացնում է Взгляд-ը։

 

Ուկրաինայի քաղաքացի Արտյոմ Կոզլովը կալանքի տակ է առնվել երեկ։ Թե ինչ հոդվածներով է նրան մեղադրանք ներկայացվել, չի հստակեցվում։

 

Հիշեցնենք, որ ուրբաթ ուկրաինացին փորձել էր առևանգել Խարկով-Ստամբուլ ինքնաթիռը և, պայթեցնելու սպառնալիք հնչեցնելով, պահանջել էր ազատ արձակել Ուկրաինայի բոլոր «գերիներին» և վայրէջք կատարել Սոչիում։

 

Միջադեպից հետո ինքնաթիռը բարեհաջող վայրէջք էր կատարել Ստամբուլում։ Ինքնաթիռի 110 ուղևորներից ոչ ոք չէր տուժել։

 

Ուկրաինայի քաղաքացին, որը նախնական տեղեկություններով ալկոհոլի ազդեցության տակ է եղել, ինքնակամ հանձնվել էր ոստիկաններին։