Բոլիվիայում ուժեղ անձրևները 48 մարդու կյանք են խլել
Բոլիվիայում ուժեղ անձրևների պատճառով մահացած մարդկանց թիվը հասել է 48-ի, իշխանությունները հայտարարել են տագնապի ամենաբարձր՝ կարմիր մակարդակ, գրում է korrespondent.net-ը:
Բոլիվիայի ազգային հիդրոօդերևութաբանական ծառայության տվյալներով՝ առաջիկա օրերին անձրևների ուժգնությունն ավելանալու է: Տագնապ է հայտարարված Սանտա Կրուսի, Կոչաբամբայի, Լա Պասի և Բենիի տարածքներում:
Իշխանությունները նախազգուշացնում են, որ այդ վայրերում կարող է բարձրանալ գետերի մակարդակը:
Երկրում անհետ կորել է 15 մարդ, ավերվել է 1.800 տուն, ոչնչացվել են հազարավոր հեկտար գյուղատնտեսական հողատարածքներ:










