ԱՄՆ-ում ձնաբքի հետևանքով 25 մարդ է զոհվել (լուսանկարներ)
ԱՄՆ-ում ձնաբքի հետևանքով զոհերի թիվը հասել է 25-ի, հայտնում է Lenta.ru-ն՝ հղում անելով Associated Press-ին։
Զոհերի թվում է Նյու Յորքի մի հղի բնակչուհի, ով ընկել է ձնահավաք մեքենայի տակ։ Զոհված կնոջ երեխային հաջողվել է փրկել՝ կեսարյան հատման միջոցով։ Զոհվել է նաև երկու մարդ, որոնք օգնել են բեռնատարը դուրս բերել ձների միջից Հյուսիսային Կարոլինայի մայրուղիներից մեկում։
Ձնաբքի պատճառով ԱՄՆ-ի տարածքում փետրվարի 14-ին չեղյալ է համարվել 2.100 չվերթ։ Եղանակային վատ պայմանները հանգեցրել են նրան, որ Սուրբ Վալենտինի օրը տասնյակ հազարավոր ծաղիկներ ժամանակին չեն հասել պատվիրատուներին։
ԱՄՆ-ի տարբեր հատվածներում առանց էլեկտրաէներգիայի է մնացել մոտ 1.2 մլն մարդ։ Ութ նահանգներում՝ Վիրջինիայից մինչև Մեյն, արդեն մի քանի օր է՝ չեն աշխատում դպրոցները։


















