Ավստրալիան լրտեսել է Ինդոնեզիային և տեղեկությունները կիսել ԱՄՆ-ի հետ

16:38 • 16.02.14

Ավստրալիայի հատուկ ծառայությունները գաղտնալսել են ինդոնեզացի իրավաբանների հեռախոսները, որոնք առևտրային բանակցություններ են վարել, ապա այդ տվյալները փոխանցել են իրենց ամերիկացի գործընկերներին։
 

Ինչպես տեղեկացնում է Russia Today-ը, այդ մասին հայտնի է դարձել The New York Times-ում Էդվարդ Սնոուդենի գաղտնազերծած փաստաթղթերի հերթական խումբը հրապարակելու արդյունքում։

 

Ավստրալիայի վարչապետը հրաժարվել է մեկնաբանել այդ տեղեկությունը։
 

«Մենք երբեք չենք մեկնաբանում հետախուզության գործողությունները։ Դա հին պրակտիկա է՝ տարբեր քաղաքական հայացքներ ունեցող կառավարությունների համար»,-ասել է նա։

 

Նա միաժամանակ նշել է, որ Ավստալիան երբեք ունեցած տեղեկությունները չի օգտագործել այլ երկրների վնաս հասցնելու համար։

 

Հարաբերություններն Ավստրալիայի և Ինդոնեզիայի միջև սրվել էին 2013թ.-ի նոյեմբերին, երբ բացահայտվել էին փաստեր՝ լրտեսելու վերաբերյալ։ Ավստրալիայի հատուկ ծառայությունները գաղտնալսել էին Ինդոնեզիայի նախագահի և նրա կնոջ հեռախոսները, ինչպես նաև մի շարք բարձրաստիճան պաշտոնյաների։