«Դ!ԵՄ ԵՄ»-ը փետրվարի 21-ին Լուսավորման երթ կանցկացնի

15:12 • 19.02.14

Կուտակային կենսաթոշակային համակարգի ներդրմանը դեմ «Դ!ԵՄ ԵՄ» նախաձեռնությունը նախատեսում է փետրվարի 21-ին՝ ժամը 18:30, Լուսավորման երթ անցկացնել Մատենադարանի մոտ։


Նախաձեռնությունը ակցիային մասնակցել ցանկացողներին կոչ է անում իրենց հետ բերել լուսավորման սարքեր, լապտերներ (հնարավորինս ուժեղ լույսով)։


Երթը կսկսվի 19:00-ից։ Երթուղին՝ Մատենադարան-Մաշտոցի Պողոտա-Թումանյան փողոց-Աբովյան փողոց-Հանրապետության Հրապարակ-Նալբանդյան փողոց-Սայաթ Նովա փողոց-Ազատության Հրապարակ:


Ըստ նախաձեռնության տարածած հաղորդագրության՝ երթի նպատակներն են.


1. Եվս մեկ անգամ բարձրացնել մեր բողոքի ձայնը՝ ընդդեմ կուտակային թալանին և ցույց տալ մինչև հաղթանակ պայքարելու մեր վճռականությունը,


2. Կոչ անել մեր հայրենակիցներին հետևել Ատոմակայանի աշխատակիցների, երկաթուղայինների, մետրոպոլիտենի, էլեկտրացանցերի, Օպերայի աշխատակիցների օրինակին և ինքնակազմակերպվել, լինել միասնական ու պայքարել իրենց իրավունքների համար:


«Ցույց տանք լուսավոր ճանապարհը դեռևս ինքնակազմակերպում չսկսած մեր համաքաղաքացիներին»,– ասվում է հաղորդագրությունում: