Լվովի քաղաքապետը կոչ է արել ոստիկանությանն անցնել ընդդիմադիրների կողմը

12:52 • 19.02.14

Ուկրաինայի Լվով քաղաքի քաղաքապետ Անդրեյ Սադովոյը դիմել է տեղի իրավապահ մարմիններին՝ կոչ անելով անցնել ընդդիմադիր ակտիվիստների կողմը, գրում է rbc.ru-ն։

 

«Առանձին դիմում եմ Լվովի ուժային կառույցների աշխատակիցներին։ Դուրս եկեք և ձեր զենքն ուղղեք ի պաշտպանություն մարդկանց՝ ձեր հարազատների, հարևանների, ընկերների։ Գիտակցեք, որ ձեր կողմից մի փոքր ագրեսիան մի քանի անգամ ուժեղ պատասխան կստանա։ Կանգնեցնել դա անհնար կլինի»,- գրել է Սադովոյն իր բլոգում։

 

Քաղաքապետը դիմել է նաև Լվովի բնակիչներին՝ խնդրելով զերծ մնալ ինքնադատաստանից։ «Հիվանդանոցները պատրաստ են, հարյուրավոր վիրավորներ ենք սպասում»,- հավելել է Սադովոյը։