Վանում երկրաշարժ է տեղի ունեցել
Վանում Ռիխտերի սանդղակով 4.6 մագնիտուդ ուժգնությամբ երկրաշարժ է տեղի ունեցել, տեղեկացնում է «Անադոլու» գործակալությունը:
Բողազիչի համալսարանի և Սեյսմոլոգիական ուսումնասիրությունների ինստիտուտի տվյալներով՝ երկրաշարժի էպիկենտրոնը գտնվել է Վան նահանգի Աքչիֆթ գյուղում: Ստորգետնյա ցնցումները գրանցվել են տեղի ժամանակով 23:51-ին, իսկ հիպոկենտրոնը գտնվել է 5 կմ խորությամբ:
Երկրաշարժը բնակչության շրջանում խուճապի պատճառ է դարձել: Զոհերի և ավերածությունների մասին չի հաղորդվում:










