Արքայազն Չարլզը պարել է արաբական հագուստով (տեսանյութ, լուսանկարներ)
Քիչ է պատահում, որ հասարակության մեջ հայտնվելիս Բրիտանիայի արքայազն Չարլզն այնպիսի տեսք չունենա, ասես սեփական դեմքի ստվարաթղթից կտրված դիմակն է կրում, սակայն նրա վերջին հայտնությունն առանձնակի անհեթեթ էր, գրում է The Independent-ը: Հրատարակությունն առաջարկում է դրանում համոզվելու համար դիտել համապատասխան տեսանյութը:
Հրատարակությունն անդրադարձել է արքայազնի մասնակցությանը դաշույններով պարին, որը տեղի է ունեցել Սաուդյան Արաբիայում:
Բրիտանիայի արքայազնը Արդայի այդ տոնակատարությանը մասնակցել է սաուդյան թագավորական ընտանիքի մի քանի անդամների հետ, ինքն էլ՝ մերձավորարևելյան տիրակալի հանդերձով:
Սա Չարլզի 11-րդ այցն է Սաուդյան Արաբիա: Նրա ուղևորությունը Մերձավոր Արևելք կշարունակվի Կատարում:


















